Jagaan Budaya Sunda, Yuk…!!!


saprak kenal jeung blog, teu acan abdi manggihan hiji blog nu nyerat na nganggo basa sunda atawa basa daerah. nu aya, sakabeh jalmi nu ngablog, nganggo basa indonesia kanggo pangantar di blog na. salian ti eta, aya oge sababaraha jalmi nu nyerat blog na ngagunakeun basa ti nagara sejen. misal na, basa inggris, jepang, atawa perancis. sababaraha jalmi deui, malah maksakeun kudu bisa nyerat blog nganggo basa asing. duka ku gengsi atawa leuwih resep nganggo basa ti nagara urang bule.

ngabaca buku ti ajip rosidi, abdi jadi mikir nasib budaya jeung basa daerah di indonesia. tong jauh2. misal na basa sunda. jaman kiwari, loba budak nu lahir di tanah pasundan, nu geus teu bisa nyerat nganggo basa sunda. lolobana basa sunda ngan ukur dijadikeun basa pergaulan sapopoe di lingkungan lembur. di sakola, budak geus kudu dibiasakeun nganggo basa indonesia keur pengantar diajar. conto di luhur masih ka itung ringan. tapi, nu parah na deui, aya budak nu lahir di tanah pasundan, ti indung-bapak nu turunan sunda, tapi teu bisa saeutik oge ngomong basa sunda.

conto di luhur ngan ukur ditingali ti basa sunda. kumaha nasib budaya sunda? conto nu gampang. baheula barudak pasundan wawuh keneh nu ngaran na gansing, ulinan budak baheula. jaman kiwari, barudak pasundan leuwih wawuh jeung playstasion dibandingkeun gansing atawa lalayangan.

di nagara walanda, aya perpustakaan nu eusi na kitab2 nu ditulis ku urang sunda baheula. di nagara walanda oge, aya jurusan basa sunda di universitas na. parah na deui, urang walanda jeung urang ti nagara sejen, loba nu resep jeung bingah diajar basa jeung budaya sunda. tapi urang sunda na sorangan, teu bingah2 acan diajar basa sunda. malah, leuwih resep diajar basa nagara batur.

kudu na urang sadar budaya urang geus mulai leungit ti tanah pasundan ieu. lamun lain urang, saha deui nu ngajagaan budaya jeung kabanggaan urang sunda. lamun lain ayeuna, iraha deui nyalametkeun budaya sunda. hayu ah urang tanamkeun kabanggaan urang ka budaya sunda jeung budaya daerah nu sejen. ti ayeuna, ti diri urang, jeung ti tanah pasundan.

hapunten bilih aya kata2 nu lepat. nuju diajar nyarios sareng nyerat basa sunda.

5 thoughts on “Jagaan Budaya Sunda, Yuk…!!!

  1. Yudha P Sunandar berkata:

    @ pashatama
    duh, teu sae2 pisan, teh. masih keneh diajar basa sunda.
    tapi basa sunda na teteh oge atos sae, da.
    perkawis nawis balanjaan, abdi oge sok nganggo basa sunda lamun eta mah. tiasa leuwih mirah jeung tiasa akrab jeung nu dagang di pasar. malah, osok dibonusan oge. hehehe😀

    @ rita
    mangga atuh. dihaturanan nyerat ku basa sunda.
    pami musik mah. teu acan tiasa ngadangukeun kawih sunda. paling, nu aya oge, jazz dicampur sareng gamelan sunda. nah, lamun eta mah karesep abdi. hihihi😀

  2. Rita berkata:

    Kapiheulaan geuning.. sim kuring aya niatan nyerat di blog ku basa sunda, mung teu acan pareng wae. sok atuh urang lestarikeun budaya sunda. Upami tiasa mah setel oge kawih sunda, cianjuran.. Tong nga’jazz’ wae. Hehe..

  3. pashatama berkata:

    salut kanggo kang yudha, basa sunda na sae pisan. abdi sanes pituin urang sunda tapi sakedik mah tiasa nyarios sunda. saur rerencangan mah, tiasa nyarios sunda teh lumayan kanggo nawis balanjaan😛

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s